सहिद लखन थापाको १ सय ३८ औं स्मृति दिवस मनाइँदै

शुक्रवार ०१ फाल्गुन, २०७१   |   राजनीति

Print This   |   Font Size + -


फागुन २, काठमण्डौं । नेपालका सहिद लखन थापामगरको सम्झनामा आज १ सय ३८ औं लखन स्मृति दिवस मनाइँदैछ । विक्रम संवत् १९३३ साल फागुन २ गते जङ्गबहादुर राणाको फौजले लखन थापा र उहाँका सहयोगि जयसिङ चुमिमगरलाई झुन्ड्याएर हत्या गरेका थिए । त्यसै दिनको सम्झनामा नेपाल मगर संघ, लखन थापामगर स्मृति प्रतिष्ठानलगायत संघ संस्थाले हरेक वर्ष देशभर प्रथम सहिद दिवस मनाउँदै आएका छन् । दिवसको अवसरमा काठमाडौंको प्रज्ञा भवन कमलादीमा बिहान ११ बजेपछि कार्यक्रम गरिन लागेको लखन प्रतिष्ठानका अध्यक्ष रुलबहादुर आलेले जानकारी दिनुभयो । त्यस्तै, लखन थापाको सालिक रहेको रुपन्देहीको बुटवल चौराहामा पनि मगर संघको अगुवाइमा मध्यान्ह नगर परिक्रमा गर्ने कार्यक्रम रहेको सभासद् शिवबहादुर थापाले जानकारी दिनुभयो । उहाँले गत असोज ३ गते व्यवस्थापिका संसद्मा लखन थापालाई प्रथम सहिद घोषणा गर्न माग गर्दै प्रस्ताव दर्ता गर्नुभएको थियो । कांग्रेस नेता शेबहादुर देउवा नेतृत्वको सरकारको पालामा लखन थापामगरलाई सहिद घोषणा गरेको थियो । मगर संघ, लखन स्मृति प्रतिष्ठानलगायत संघ संस्थाले लखन थापालाई नेपालको प्रथम सहिद घोषणा गर्न सरकारसँग माग गर्दै आएका छन् । 


Conversations
Total Comments:

सम्बन्धित सामाग्रीहरु

द्वारा अन्य सामाग्रीहरु Admin

किताबहरु

Helping Hands

Like us on Facebook