आदिवासी जनजाति राष्ट्रिय पत्रकारिता पुरस्कार घोषणा

मंगलवार १९ श्रावण, २०७२   |   समाज तथा संस्किृति

Print This   |   Font Size + -


 

काठमाडौं

नेपाल आदिवासी जनजाति पत्रकार महासंघ (फोनिज) ले ‘आदिवासी जनजाति राष्ट्रिय पत्रकारिता पुरस्कार २०७२’ (आइभिए अवार्ड) बाट पुरस्कृत हुनेको नाम  साउन १९ गते घोषणा गरेको छ ।

एशियामा आदिवासी जनजाति गठबन्धन (एआईपिपि) को सहयोगमा हरेक वर्ष विश्व आदिवासी दिवसको अवसर पारेर प्रदान गर्दै आएको पुरस्कारबाट यस वर्ष छापा, रेडियो तथा टेलिभिजनका गरी ६ जना पत्रकारहरुलाई फोनिजले पुरस्कृत गरेको हो । पुरस्कृत हुनेमा छापातर्फ सन्ध्या टाइम्स दैनिकका सुरेशकिरण मानन्धर र हिमाल खबरपत्रिकाका देविका घर्तीमगर, टेलिभिजनतर्फ एबीसी टिभीका लोकबहादुर गुरुङ÷लाला र सगरमाथा टिभीका रोजिना लामा तथा रेडियोबाट ईलाम एफएमबाट सन्तोष नेम्वाङ र रेडियो जागरण रुपन्देहीबाट कमला चौधरी पुरस्कृत भएका छन् । पुरस्कार छनौट समितिको मंगलबार बसेको बैठकले पुरस्कारको घोषणा गरेको हो ।

पुरस्कारका लागि छापामा ३३, रेडियोमा २९ र टेलिभिजनमा २० जनासहित ८४ जनाको आवेदन परेकोमा प्रत्येक विधामा दुई÷दुई जना पत्रकारको नाम छनौट गरेको फोनिजद्वारा जारी विज्ञप्तिमा उल्लेख छ । प्रत्येक विधामा ४०÷४० हजारको पुरस्कार संयुक्त रुपमा प्रदान गरिनेछ । विश्व आदिवासी दिवसका अवसरमा साउन २३ गते काठमाडौंमा आयोजना हुने कार्यक्रममा पुरस्कार वितरण गरिने छ ।   

 

 

 

 


Conversations
Total Comments:

सम्बन्धित सामाग्रीहरु

द्वारा अन्य सामाग्रीहरु Admin

किताबहरु

Helping Hands

Like us on Facebook