देवेन्द्र खापुङ लिम्बू पत्रकार संघको केन्द्रीय अध्यक्ष चयन

मंगलवार ०७ मंसिर, २०७३   |   कला र साहित्य

Print This   |   Font Size + -

देवेन्द्र खापुङ लिम्बू पत्रकार संघको केन्द्रीय अध्यक्ष चयन

लिम्बू पत्रकार संघको दोस्रो राष्ट्रिय महाधिवेशनबाट देबेन्द्र खापुङको अध्यक्षतामा नयाँ कार्यसमिति चुनिएको छ । मंसिर ४ र ५ गते ललितपुरको किरात याक्थुङ चुम्लुङ हिममा आयोजित महाधिवेशनमा १९ सदस्यीय कार्यसमित सर्वसम्मतले चयन गरिएको हो ।

किरात याक्थुङ चुम्लुङका महासचिव प्रेम येक्तेनको संयोजत्वमा सम्पन्न अधिवशेनबाट विजयबोध लावती (प्रथम उपाध्यक्ष), विष्णु सिंगक उपाध्यक्ष र मिलन लिम्बू महासचिवमा निर्वा्चित भएका छन् भने सचिवमा दिनेश सुब्बा र माला पालुंवा तथा कोषाध्यक्षमा भुपेन्द्र खुदाङ चयन भएका छन् ।

त्यस्तै, सदस्यहरुमा याम माबोङहाङ, सन्देश सुब्बा, एमपी सुब्बा, भगिश्व्।र लिम्बू, यानिन्द्र तिगेला, उपेन्द्र येक्तेन, सेसेहाङ लावती, सन्तोष नेम्बाङ र भीमहाङ थाङ्देन चुनिएका छन् । संघको २१ सदस्यीय कार्यसमिति रहनेछ, जसमा दुई सदस्य केन्द्रीय कार्यसमितिले चयन गर्ने संघको प्रावधान रहेको छ ।

अध्यक्ष पदमा निर्वा्चित भएपछि देबेन्द्रले लिम्बू पत्रकार संघलाई आगामी दिनमा अझ सक्रिय र शसक्त रुपमा अगाडि बढाउने प्रतिवद्धता व्यक्त गरेका छन् । साथै, आइतबार नै बसेको नयाँ समितिको पहिलो बैठकले स्व. युवराज लिम्बू स्मृति पत्रकारिता कोष स्थापना गर्ने, संघलाई नयाँ ढंगबाट अगाडि बढाउनेलगायतका योजनाहरु निर्णय गरेको छ ।

अधिवेशनकै अवरमा लिम्बु समुदायबाट पत्रकारिता क्षेत्रमा समाज र राष्ट्रका लागि योगदान पु–याउने चार व्यक्तित्व तथा पत्रकारलाई सम्मान गरिएको थियो । सम्मानीत हुनेहरुमा कौशल चेम्जोङ, आइन्द्रसुन्दर नेम्बाङ, हर्ष सुब्बा र देबेन्द्र खापुङ रहेका छन् । उनीहरुलाई महाअधिवेशन उद्घाटन समारोहका प्रमुख अतथि संघीय मामिला राज्यमन्त्री श्री जबेगुले सम्मान प्रदान गर्नुभएको थियो । 


Conversations
Total Comments:

सम्बन्धित सामाग्रीहरु

द्वारा अन्य सामाग्रीहरु Admin

किताबहरु

Helping Hands

Like us on Facebook