चौतारा नगरपालिकालाई बालमैत्री बनाउने प्रतिबद्धता 

मंगलवार १३ आषाढ, २०७४   |   राजनीति

Print This   |   Font Size + -

चौतारा नगरपालिकालाई बालमैत्री बनाउने प्रतिबद्धता 

चौतारा, १३ असार २०७४

सिन्धुपाल्चोक जिल्ला सदरमुकाम स्थित चौतारा साँगाचोकगढी नगरपालिकालाई आगामी एक बर्ष भित्र बालमैत्री बनाईने भएको छ । नगरपालिकाको आयोजनामा भएको सरोकारवालाहरुको बैठकबाट यस्तो प्रतिबद्धता आएको हो । नगरपालिकाका प्रमूख अमनसिंह तामाङको अध्यक्षतामा बालमैत्री स्थानीय शासन नगर समिति गठन भए पछि पहिलो पटक बसेकोे सरोकारवालाहरुसंगको बैठक पछि सामूहिक हस्ताक्षर गरी प्रतिबद्धता जानएका हुन् ।

यस अघि मीरेष्ट नेपालले निर्माण गरेको बालमैत्री स्थानीय शासनमा बालभेला नामक बृत्तचित्र प्रदर्शन गरिएको थियो । बृत्तचित्र प्रदर्शनी पछि नगरप्रमूख तामाङले चौतारा नगरपालिकाकालाई समृद्ध र नमूना नगर बनाउने सोच अन्तर्गत सबै पक्षको साझा कार्यक्रमका रुपमा बालमैत्री स्थानीय शासन बनाउने अभियान थालिएको बताउनु भयो । 

समाज विकासका लागि बालमैत्री शासन नै उपयुक्त सामाजिक क्रान्ती भएको बताउँँदै उहाँले  २०७५ साल पौष भित्र नगरपालिकाका सम्पूर्ण संरचना बालमैत्री हुने दाबी गर्नु भयो । कार्यक्रममा बोल्दै चौतारा साँगाचोकगढी नगरपालिकाका कार्यकारी अधिकृत उमाकान्त अधिकारीले निर्वाचित जप्रतिनिधिको इच्छाशक्तिलाई कर्मचारीले पुरा गरउन मद्धत गर्ने बताउनु भयो । नेपालमा १२ वटा स्थानीय तहका इकाईलाई बालमैत्री घोषणा गरिसकिएको छ । नेपाल सरकारको नीति अनुसार ३९ वटा सूचक पुरा भएका स्थानीय तहलाई बालमैत्री घोषणा मार्फत मान्यता दिइन्छ । यस अन्तर्गत पूर्ण बालश्रम मुक्त, सत प्रतिशत बिद्यालय भर्ना,लगायतका स्वास्थ्य, शिक्षाका शर्तहरु पुरा हुनु पर्दछ । 

कार्यक्रममा मीरेष्ट नेपालका महासचिब कुमार यात्रुले बालमैत्री शासनलाई नगरपालिकाको नयाँ नेतृत्वले निरन्तरता दिएकोमा बधाई ज्ञापन गर्नु भएको थियो । 

गैसस महासंघका पूर्ब अध्यक्ष सोम साप्कोटाले बालमैत्री शासनका लागि नगरपालिकाको लगानी योजना चाहिने बताउनु भयो । 

कार्यक्रममा बिभिन्न बिषयगत कार्यलय र निर्वाचित पदाधिकारीहरुको उपस्थिति थियो ।  

 


Conversations
Total Comments:

सम्बन्धित सामाग्रीहरु

द्वारा अन्य सामाग्रीहरु Admin

किताबहरु

Helping Hands

Like us on Facebook