शेर्पा प्रदेशको माग गर्दै बन्द कार्यक्रम

आईतवार २० भाद्र, २०७२   |   राजनीति

Print This   |   Font Size + -

शेर्पा प्रदेशको माग गर्दै बन्द कार्यक्रम फाइल तस्बिरः बानेश्वरमा जनजाति महासंघको कार्यक्रममा शेर्पाहरुको याली


काठमाडौं

संघीय समाजवादी फोरम नेपालको शेर्पा प्रदेश समितिले शेर्पा प्रदेश कायम गर्न माग गरेको छ । पहिलो संविधानसभाले गठन गरेको राज्य पुनःसंरचना आयोगले प्रस्ताव गरेको १४ प्रदेशलाई यथावत राख्दै सोलुखुम्बु, ओखलढुंगा, दोलखा, सिन्धुपाल्चोक, भोजपुर र संखुवासभा जिल्लामा पर्ने भूभाग समेटेर शेर्पा प्रदेश कायम गर्न माग गरिएको हो ।

माग सम्बोधन नगरिए भदौ २७ र २८ गते दुई दिन शेर्पा प्रदेश वन्द गर्ने घोषणा गर्ने निर्णय गरेको छ । वन्दको कार्यक्रमलाई सफल पार्न सोलुखुम्बुका लागि जिल्ला उपाध्यक्ष गंगा थापामगर र सचिव महेश रानामगर, त्यस्तै सोलुखुम्बुकै लुक्ला क्षेत्रका लागि उपाध्यक्ष वाङछु शेर्पालाई जिम्मा दिइएको छ । ओखलढुंगाका लागि संयोजक लाक्पाजी शेर्पा, आङकामी शेर्पा र सार्की शेर्पालाई जिम्मेवारी दिइएको छ । दोलखाका लागि जिल्ला अध्यक्ष नोर्साङ शेर्पा, रामेछापका लागि संयोजक युवराज भट्टराई र सोनाम तामाङ, संखुवासभाका लागि दिपक याख्खालाई जिम्मेवारी दिइएको  छ । समग्र आन्दोलनको संयोजन प्रदेश इन्चार्ज आङदेण्डी शेर्पाले गर्ने जनाइएको शेर्पा प्रदेश समितिका अध्यक्ष नोर्साङ शेर्पाद्वारा जारी विज्ञप्तिमा उल्लेख छ ।



 


Conversations
Total Comments:

सम्बन्धित सामाग्रीहरु

द्वारा अन्य सामाग्रीहरु Admin

किताबहरु

Helping Hands

Like us on Facebook