४१ मातृभाषामा मानव अधिकारको विश्वव्यापी घोषणापत्र प्रकाशित

शुक्रवार ०८ आस्विन, २०७२   |   कानून र मानवअधिकार

Print This   |   Font Size + -

४१ मातृभाषामा मानव अधिकारको विश्वव्यापी घोषणापत्र प्रकाशित


काठमाडौ

मानव अधिकारको विश्वव्यापी घोषणापत्र विभिन्न मातृभाषामा भाग–२ को रुपमा प्रकाशित भएको छ । देव कुमार सुनुवार तथा जगत दोङ तामाङले सम्पादन गरेको इण्डिजिनियस मिडिया फाउण्डेशनले प्रकाशन गरेको यस पुस्तकमा २० भाषामा घोषणापत्रको अनुवाद साता प्रकाशन गरिएको हो ।

जसमा राई बान्तवा, भुजेल घर्ती, बोटे, चाम्लिङ राई, चेपाङ, दराई, धानुक, धिमाल, हायु, कुमाल, कुसुण्डा, लेप्चा, मेचे, पहरी, राजी, सन्थाल, सुरेल, ताङ्बे, तोप्केगोला ढोक्प्या, याक्खा भाषा समेटिएका छन् ।

त्यस्तै गत बर्ष मानव अधिकारको विश्वव्यापी घोषणापत्र विभिन्न मातृभाषामा भाग–१ को रुपमा प्रकाशित गरिएको थियो । भाग–१ मा कोइँच सुनुवार, बराम, छन्त्याल, दनुवार, गुरुङ, जिरेल, किसान, लिम्बु, ल्होमी, मगर, माझी, नेवार, राजवंशी, शेर्पा, ताजपुरिया, तामाङ, थकाली,  थाङ्मी, थारु, उराँव, ह्योल्मो गरी २१ भाषामा प्रकाशित भएका थिए । भाग–१ र २ गरी मानव अधिकारको विश्वव्यापी घोषणापत्र ४१ मातृभाषामा प्रकाशित भएको हो ।

सम्पादक मध्येका एक देव कुमार सुनुवारले भने– मानव अधिकारको विश्वव्यापी घोषणापत्र आदिवासी जनजातिहरुका लागि निकै महत्वपूर्ण दस्तावेज हो । त्यसैले विभिन्न मातृभाषामा अनुवाद  गरी प्रकाशित गरियो । तर विभिन्न भाषामा अझै पनि लेख्य परम्परा नरहेकोले अनुवादको क्रममा निकै दुःख झेल्नुप¥यो ।

 


Conversations
Total Comments:

सम्बन्धित सामाग्रीहरु

द्वारा अन्य सामाग्रीहरु Admin

किताबहरु

Helping Hands

Like us on Facebook