युरोपमा नेपालीको कीर्तिमान  माउण्ट अल्ब्रासमा बुद्ध

विहिवार १३ श्रावण, २०७३   |   समाज तथा संस्किृति

Print This   |   Font Size + -

युरोपमा नेपालीको कीर्तिमान  माउण्ट अल्ब्रासमा बुद्ध

बुधवार विहान आठ बजे माउण्ट अल्ब्रासबाट टेन्डम उठान भरेर विश्व कीर्तिमान कायम राख्न सफल भएका छन् एक नेपाली ठिटो । अहिलेसम्म माउन्ट अल्ब्रासबाट कसैले टेन्डम उडान भर्न आँट गरेको थिएन । इच्चाशक्ति बौलाएपछि मान्छे सामु सफलता कक्रिनु पर्ने रहेछ । शायद यसैले हुनसक्छ सातवटै महादेशका अग्ला चुचुरोबाट हाम् फाल्ने नेपाली ठिटोको रङ्गीन सपना एकपछि अर्को गर्दै विश्व कीर्तिमान कायम गरीरहेको छ । जिन्दगीको रङ्गीन सपना काखी च्यापेर घरबाट भाग्दा उनले दोलखाको किर्नेटारमा घर जस्ता डब्बाहरु मान्छे बोकेर कुद्दा अचम्म मानेका थिए । तर आजकाल उनी कुद्ने होइन उड्ने गर्छन् चिल जस्तै आकाशमा ।

जिन्दगीमा कहिल्यै हार नमान्ने ती ठिटा, असरल्ल स्वैर कल्पना बोकेर काठमाडौं खाल्डो भासिएका थिए तर कर्मले उनलाई पोखरा पु¥यायो । चिलगाडीको नक्कल गर्दै जीउभरि तन्द्रङ तुन्द्रुङ डोरीले जेलिएर आकाशमा उड्न सिके र अरुलाई सिकाउन थाले । आज यही पेशाबाट उनले नेपाललाई विश्वसामु चिनाइरहेका छन् ।

जिन्दगीमा कहिल्यै हार नमान्ने ती ठिटा, कर्मले उनलाई पोखरा पु¥यायो । चिलगाडीको नक्कल गर्दै आकाशमा उड्न सिके र अरुलाई सिकाउन थाले । आज यही पेशाबाट उनले नेपाललाई विश्वसामु चिनाइरहेका छन् ।

रामेछाप जिल्ला रामपुरको साधारण परिवारमा जन्मेका सानोबाबु सुनुवार, सगरमाथाको चुचुरोबाट प्याराग्लाइडिङ टेन्डम उडान भरेर समुद्र सतह पुगी विश्व कीर्तिमान गर्ने नेपाली हुन् । उनको यो साहासिक कार्यलाई नेशनल ज्योग्राफिक च्यानालले २०१२ को साहासिक व्यक्तिको अवार्ड दिएको थियो । त्यतिबेला सोलु चौरीखर्कका लाक्पाछिरि शेर्र्पालाई लिएर सगरमाथाको चुचुरोबाट उडेर स्याङ्बोचेमा अवतरण गरेका थिए भने माउन्ट अल्ब्रासबाट भने ५६ वर्षीय नाटालिदा साफोनोभालाई लिएर टेन्डम उडान भर्न सफल भएका छन् ।

क्षण क्षणमा मौसम परिवर्तन भएको हुँदा उनी चुचुरो पुगेर फेरि ३८ सय मिटर उचाइमा बास बस्न फर्किन्थे । पाँच दिन त उनले त्यहीँ विताए र बल्ल अनुकूल मौसम भएपछि उनले बुधवार विहान २ बजे उठेर चुचुरो पुगी टेन्डम उडान भर्न सफल भएका हुन् । रसियन माउन्टेनियरिङ एसोसिसनको निम्तोमा माउन्ट अल्ब्रासको शिखर चुम्न पुगेका हुन् । उनले यसभन्दा अगाडि अफ्रिकी महादेशको सबैभन्दा अग्लो चुचुरो माउन्ट किलीमान्जारोबाट टेन्डम उडान भरेर किर्तीमान कायम राखेका थिए ।

नेपालबाट युरोपको सबैभन्दा अग्लो चुचुरो माउन्ट आल्ब्रासका लागि प्रस्थान गर्दा तत्कालीन पर्यटन मन्त्रीले एउटा नेपाली झण्डा र बुद्धको मूर्ति हातमा थमाएका थिए ।

यसैले नेपालबाट युरोपको सबैभन्दा अग्लो चुचुरो माउन्ट आल्ब्रासका लागि प्रस्थान गर्दा तत्कालीन पर्यटन मन्त्रीले एउटा नेपाली झण्डा र बुद्धको मूर्ति हातमा थमाएका थिए । सानोबाबु भन्छन्, “मैले बुद्धलाई युरोपको शिरमा प्रतिस्थापना गरेको छु । यसले नेपाल साहासीहरुको देश त हो नै शान्तिप्रेमीहरुको पनि देश हो भन्ने सन्देश दिन खोजेको छु । मलाई आशा छ नेपालमा विस्तारै शान्ति स्थापना हुने छ ।” उनी आफ्नो योजना बताउँछन्, “अब अर्को महादेशको सबैभन्दा अग्लो चुचुरोमा चिल भैंm रमाएर उड्ने योजना छ । कुन महादेश हुन्छ त्यो चाहिँ थाहा छैन । तर अवश्य अर्को उडान अर्कै महादेशमा हुने छ ।”

 


Conversations
Total Comments:

सम्बन्धित सामाग्रीहरु

द्वारा अन्य सामाग्रीहरु Admin

किताबहरु

Helping Hands

Like us on Facebook