गोक्यो हिमतालमा वेपत्ता विद्यार्थी खोज्न ‘सबमरीन ड्रोन’ को प्रयोग

मंगलवार ०५ भाद्र, २०७५   |   समाज तथा संस्किृति

Print This   |   Font Size + -

गोक्यो हिमतालमा वेपत्ता विद्यार्थी खोज्न ‘सबमरीन ड्रोन’ को प्रयोग

गत साउन महिना सोलुखुम्बुको खुम्बुपासाङ्ग ल्हमु गाउँपालिकामा रहेको गोक्यो हिमतालमा पौडी खेल्ने क्रममा बेपत्ता विद्यार्थी खोज्न ड्रोन प्रयोग गरिने भएको छ । बेपत्ता भएका ३ विद्यार्थीमध्ये हाल सम्म फेला नपरेको २ विद्यार्थीलाई खोज्न ‘सबमरीन ड्रोन’ नेपाल ल्याएको हो ।

हिमतालमा बेपत्ता ३ विद्यार्थीमध्ये पेम्बानुर्बु शेर्पाको शव गत साउन २३ गते सशस्त्र प्रहरी बलको गोताखोर टोलीले निकालेको थियो । सशस्त्र प्रहरी बलको गोताखोर टोलीले लगातार ४ दिनसम्म हिमतालमा २ बेपत्ता विद्यार्थी खोज्द पनि नभेटिएपछि ‘सबमरीन ड्रोन’ को प्रयोग गरिने भएको हो । नेपालमै पहिलो पटक सबमरीन ड्रोन’को प्रयोग गरि पानीमुनी मान्छे खोज्ने काम हुने भएको छ ।

नेपालमै पहिलो पटक सबमरीन ड्रोन’को प्रयोग गरि पानीमुनी मान्छे खोज्ने काम हुने भएको छ ।

‘सबमरीन ड्रोन’ अत्याधुनिक टर्च लाईट बालेर पानीमुनी ५० मिटर गहिराईसम्म गएर खोज्न सक्ने उपकरण भएको हुनाले यसलाई प्रयोग गरिने भएको गाउँपालिकाको प्रबक्ता ल्हाक्पा छिरी शेर्पाले जनाकारी दिनुभयो । नेपालमा नपाईने उपकरण सिङगापुरमा किनेर ‘सबमरीन ड्रोन’ मंगलवार नेपाल ल्याएको हो ।

बेपत्ता विद्यार्थी खोज्न पासाङ ग्याल्जेन शेर्पा, तेञ्जिङ शेर्पा र पासाङ शेर्पाले लगातार दुई दिन प्रयास पश्चात सिङगापुरबाट किनेर ल्याएका हुन् । ड्रोन किन्न गाउँपालिकाको आन्तरिक स्रोतबाट रकम खर्च गरिने भएको छ । गाउँपालिकाले यस अघि सशस्त्र प्रहरी बलको गोताखोर टोलीलाई पनि गाउँपालिकाले नै प्रक्रिया अघि बढाएको थियो ।

गाउँपालिकाले यस अघि सशस्त्र प्रहरी बलको गोताखोर टोलीलाई पनि गाउँपालिकाले नै प्रक्रिया अघि बढाएको थियो ।

अत्याधुनिक ‘सबमरीन ड्रोन’लाई चलाउनका लागि नेपाली सेना, सशस्त्र अथवा नेपाल प्रहरीमध्ये एकलाई आवश्यकीय तालिम दिई बेपत्ता विद्यार्थी खोज्न गोक्यो हिमतालमा लगिने गाउँपालिकाका अध्यक्ष ङिमा दोर्जी शेर्पाले जनाकारी दिनु भयो । यदि ‘सबमरीन ड्रोन’ले हिमतालमा बेपत्ता विद्यार्थी भेट्टायो भने सशस्त्र प्रहरी बलको गोताखोर टोलीलाई लगेर शब निकाल्ने छ ।

गत साउन १९ गते बिहान पौडी खेल्ने क्रममा खुम्जुङ माध्यमिक विद्यालय कक्षा ९ का ३ विद्यार्थी गोक्यो हिमतालमा डुबेर बेपत्ता भएका थिए । बेपत्ता हुनेमध्ये पेम्बानुर्बु शेर्पाको शव ५ दिनपछि सशस्त्र प्रहरी बलको गोताखोर टोलीले हिमतालबाट निकालेको थियो भने पेम्बादोर्जे शेर्पा र सुमन बराईलीको शवलाई निकाल्न नसकिएको प्रबक्ता शेर्पाले जनाकारी दिनु भयो । गाउँपालिकामा पर्ने गोक्यो हिमताललाई प्रवित्र तिर्थस्थलको रुपमा पूजा गर्दै आई रहेको थियो ।

 


Conversations
Total Comments:

सम्बन्धित सामाग्रीहरु

द्वारा अन्य सामाग्रीहरु Admin

किताबहरु

Helping Hands

Like us on Facebook